გუფ _ გამდიდრების უნივერსალური ფორმულა.
სუფ _ სიღარიბის უნივერსალური ფორმულა.
თუ გინდათ სწრაფად გახდეთ მდიდარი და ბედნიერი, დაუყონებლივ წაიკითხეთ ეს საოცრება.
გუფ არის დღეს-დღეობით ერთადერთი სრულყოფილი ზოგადი ფორმულა, რომელიც წარმოგვიდგება ბიზნესის მეცნიერებაში. მას შეიძლება ვუწოდოთ ბიზნესის ძირითადი ფორმულა.
განსაცვიფრებელია ამ ფორმულის უნივერსალურობის ხარისხი იმ გაგებით, რომ ის გამოიყენება ბიზნესის ნებისმიერ საქმიანობაში. ამ თვისებით ამ ფორმულას ბადალი არა ყავს არცერთ მეცნიერებაში.
გუფ იმსახურებს საზოგადოების ფართო მასის ყურადღებას. მისი განხილვის შემდეგ ის გახდება უფრო მეტი და მეტი საინტერესო, ვიდრე ეს მის ისედაც სენსაციური სახელიდან ჩანს.
ამ ფორმულის გამოყენების მეთოდი პრაქტიკაში დღემდე უნდა ყოფილიყო საზოგადოების ფართო წრისათვის მიწოდებული, მაგრამ არაუშავს, ნათქვამია: ,,სჯობს გვიან, ვიდრე არასდროს”.
გუფ ამ თეორიის მკითხველებს და არამკითხველებსაც სჭირდება, როგორც ჰაერი და წყალი, დღევანდელ ახალ ეკონომიკურ პირობებში.
გუფ მარტივია და უნივერსალური, რაც იმაში მდგომარეობს, რომ მისი გამოყენება შეუძლია საზოგადოების ფართო მასას მრავალ სხვადასხვა საქმიანობაში.
დროის ნებისმიერ მომენტში ეს ფორმულა უჩვენებს სიმდიდრის ოდენობას, გამდიდრების სიჩქარეს და აჩქარებას, რაც ჩვენი საქმიანობის სრული მახასიათებელია.
გუფ მარტივად არწმუნებს ადამიანებს იმაში, თუ რამდენად არის შესაძლებელი გამდიდრება მოცემულ პირობებში და ეხმარება მათ მოკლე და გრძელვადიანი გეგმების შედგენაში და მათგან ოპტიმალური ვარიანტის შერჩევაში, რაც დღევანდელი დღის ერთ-ერთი უმთავრესი ამოცანაა. რწმენისა და გეგმის შემდეგ გამდიდრებამდე ერთი ნაბიჯიღა რჩება.
ყოველივე ამის შემდეგ , ძვირფასო მკითხველებო, თქვენ თვითონ განსაჯეთ, თუ რამდენად მნიშვნელოვანია ამ თეორიის წაკითხვა, რათა უფრო ადრე გახდეთ მდიდარი და ბედნიერი.
ადამიანთა სიმრავლე, ქონებასთან მიმართებაში, შეიძლება დავყოთ სამ ფენად, სახელდობრ: ღარიბი ფენა, საშუალო ფენა და მდიდარი ფენა.
რომელ ფენასაც არ უნდა ეკუთვნოდეთ, ყველასათვის სასარგებლოა ამ თეორიის წაკითხვა. მისი წაკითხვის შემდეგ ღარიბი და საშუალო ფენის წარმომადგენლები, თუ უნდათ, გახდებიან მდიდრები, ხოლო მდიდრები _ უფრო მდიდრები.
მიუხედავად საქმიანობის სხვადასხვაობისა, თითქმის ყოველი ადამიანი, დიდ ფულზე თუ არა, ფულის შოვნაზე მაინც ფიქრობს.
ფულის შოვნის მიმართებით, დრო და სივრცეში, ყოველი ადამიანისათვის არსებობს შესაბამისი საქმიანობა, ოპტიმალური ვარიანტი, რომელიც მას მდიდარს გახდის. მაგრამ ადამიანთა სიმრავლე და საქმიანობათა სიმრავლე იმდენად მრავალფეროვანია, რომ ამ სიმრავლეთა შესაბამისობაში მოყვანა, ფულის შოვნის მიმართებით, არც ისე ადვილი საქმეა.
გამდიდრების საიდუმლო ამ შესაბამისობაში მდგომარეობს. ამ პრობლემის ზოგადად გადასაწყვეტად გამოიყენება ორი იარაღი გუფ და სუფ. გამდიდრების საიდუმლო ამ გუფ-ის და სუფ-ის საშუალებით საქმიანობათა შედარებით აიხსნება.
პირველ რიგში, ჩვენ უნდა ვიცოდეთ ,,მინდა” და ,,არ მინდას” ახსნა, რომელიც შემდგომში მდგომარეობს: არ მინდა ვიყო ღარიბი, მინდა ვიყო მდიდარი.
იმისათვის რომ არ ვიყო ღარიბი, აუცილებელია არ მქონდეს ისეთი საქმიანობა, რომ ჩემი შემოსავალი გამოითვლებოდეს სუფ-ით, ხოლო იმისათვის რომ ვიყო მდიდარი აუცილებელი და საკმარისია, მქონდეს ისეთი საქმიანობა, რომ ჩემი შემოსავალი გამოითვლებოდეს გუფ-ით.
ახლა უკვე დროა გავშიფროთ თუ რა არის სუფ და რა არის გუფ, რომელთა საშუალებით საქმეთა შედარებამ ფარდა უნდა ახადოს გამდიდრების საიდუმლოებას.
სუფ _ სიღარიბის უნივერსალური ფორმულა მათემატიკურად ასე ჩაიწერება:
an=a0+dn. (1)
გუფ _ გამდიდრების უნივერსალური ფორმულა მათემატიკურად ასე ჩაიწერება:
bn=b0*q^n. (2)
რადგან გამდიდრების საიდუმლო, შესაბამისობის დადგენაში მდგომარეობს, ამიტომ მთავარია იმ საქმის პოვნა, რომელიც მოცემულ ადამიანს გაამდიდრებს.
ვთქვათ, მოცემული ადამიანი, მოცემული საქმით ატარებს ფინანსურ ოპერაციებს და ფულის გადიდებას ახდენს მრავალჯერადი ფინანსური ოპერაციებით.
(1) და (2) ფორმულაში n ფინანსურ ოპერაციათა რაოდენობაა; a0 და b0 _ საწყისი თანხები; an და bn კი _ n-ური ფინანსური ოპერაციის ჩატარების შემდეგ დაგროვილი თანხა.
გამდიდრების სხვაობა ვუწოდოთ d-ს, რომელიც გამოითვლება ფორმულით:
d=an+1-an.
გამდიდრების მნიშვნელი იყოს q, სადაც
q=bn+1/bn.
თუ ჩვენი საქმიანობა იმაში მდგომარეობს, რომ დროის გარკვეულ პერიოდში ჩატარებული ფინანსური ოპერაციებისას ჩვენი თანხა იზრდება დაფიქსირებული d სხვაობით, ეგრეთწოდებული ხელფასით, მაშინ n ოპერაციის ჩატარების შემდეგ ჩვენი თანხა გამოითვლება (1) ფორმულით, ხოლო თუ მერამდენედ ჩატარებული ფინანსური ოპერაციებისას ჩვენი თანხა იზრდება q მნიშვნელჯერ, მაშინ n ოპერაციის ჩატარების შემდეგ ჩვენი თანხა გამოითვლება (2) ფორმულით.
(1) ფორმულა შეესაბამება არითმეტიკულ პროგრესიას, ხოლო (2) ფორმულა _ გეომეტრიულ პროგრესიას. როგორც ცნობილია, გეომეტრიული პროგრესიის ზრდის სიჩქარე ბევრად მეტია არითმეტიკული პროგრესიის ზრდის სიჩქარეზე, ამიტომ ზოგადად ვასკვნით, რომ ჩვენი გამდიდრების სიჩქარე დამოკიდებულია იმ საქმიანობაზე, თუ რომელი ფორმულით გამოითვლება მიღებული შემოსავალი, ე.ი. არ გვინდა საქმიანობა, რომელსაც შეესაბამება სუფ და გვინდა საქმიანობა რომელსაც შეესაბამება გუფ.
ამით ჩვენი პრობლემა ზოგადად გადაწყვეტილია.
პრაქტიკულად თუ ჩავსვამთ გუფ-ში რიცხვით მონაცემებს, მაშინ მართლაც მივიღებთ საოცრებას. მართლაც, ფინანსური ოპერაციის ჩატარებამდე, თუ ჩვენ გვაქვს საწყისი თანხა 1000 ლარი და ყოველი შემდგომი ფინანსური ოპერაციის ჩატარებისას ჩვენი თანხა იზრდება 2-ჯერ, მაშინ მე-10 ოპერაციისას ჩვენ მიერ დაგროვილი თანხა გამოითვლება (2) ფორმულით.
b10=1000*2^10=1 024 000.
ე.ი. გავხდით მილიონერი. ეს ხომ მართლაც საოცრებაა.
გამომდინარე აქედან, გამდიდრება არც ისე ძნელი საქმე ყოფილა, თუ ჩვენ ფულის ნამატს ისევ საქმეში ჩავდებთ.
n-ს ვუწოდოთ გამდიდრების ხარისხი. ახლა ჩვენ შეგვიძლია ვთქვათ შემდეგი: (2) ფორმულის თანახმად გამდიდრება დამოკიდებულია b0 საწყის თანხაზე, q გამდიდრების მნიშვნელზე და n გამდიდრების ხარისხზე, ანუ ფინანსურ ოპერაციათა რაოდენობაზე გარკვეული t დროის განმავლობაში. თუ ერთი ფინანსური ოპერაცია ეტევა t0 დროში, მაშინ მას ვუწოდოთ ერთი ფინანსური ოპერაციის t0 დროის პერიოდი. ადვილი მისახვედრია, რომ t დროის განმავლობაში ჩვენი ფინანსური ოპერაციათა რაოდენობა გამოითვლება ფორმულით:
n=t/t0.
როგორც ვხედავთ, n(t) არის t დროის ფუნქცია, ხოლო თუ გუფ-ში შევიტანთ n(t)-ს, მაშინ მივიღებთ ფუნქციას:
f(t)=b0*q^n(t), (3)
რომელიც არის t დროზე დამოკიდებული ფუნქცია. პირველი რიგის წარმოებული f'(t) იქნება გამდიდრბის სიჩქარე, ხოლო მეორე რიგის წარმოებული f''(t) იქნება გამდიდრების აჩქარება, დროის მოცემულ t მომენტში.
წარმოებულის მნიშვნელობები განგებ არ მოგვყავს, რადგან ის მონათხრობის სიმარტივეს დაარღვევს.
როგორც ვხედავთ, გამდიდრებას აქვს თავისი მახასიათებლები, სახელდობრ: გამდიდრების ოდენობა, გამდიდრების სიჩქარე და გამდიდრების აჩქარება.
თუ (3) ფორმულაში ჩავსვამთ n(t)-ს მნიშვნელობებს, მაშინ მივიღებთ:
f(t)=b0*q^(t/t0). (4)
ბოლო ფორმულის თანახმად, სწრაფი გამდიდრებისათვის უნდა შესრულდეს შემდეგი პირობები:
1. საქმეში საწყისი თანხა b0 უნდა ჩავდოთ შესაძლებლობის მიხედვით, რაც შეიძლება მეტი;
2. შევარჩიოთ ისეთი საქმიანობა, რომელშიც
ა) გამდიდრების q მნიშვნელი იყოს რაც შეიძლება მეტი;
ბ) ერთი ფინანსური ოპერაციის t0 დროის პერიოდი იყოს რაც შეიძლება მცირე, რითაც გამდიდრების n(t) ხარისხი ამაღლდება.
ყველაფერ ამის შემდეგ გამდიდრება მოხდება რაც შეიძლება ადრე.
ამ თეორიის შესაბამის ერთ-ერთ მარტივ მაგალითს დავარქვათ ,,პურის დისტრიბუცია” (პურის განაწილება). მხედველობაში გვაქვს ქალაქის პურით მომარაგების მომსახურება.
ვთქვათ, ქალაქს პურით ვამარაგებთ პურსაცხობებიდან ყოველდღე. ვთქვათ პურის ცხობა ჩვენს საქმიანობაში არ შედის. ქალაქის პურით მომარაგების საქმიანობაში, საშუალოდ ერთი პურიდან, დისტრიბუტორ ორგანიზაციას ვთქვათ მინიმუმ დარჩება 5%. ამ საქმიანობაში, საქმის უკეთ წარმართვისათვის, შეიძლება ქალაქის ყველა ქუჩებში მიმდევრობით ჩავდგათ იაფ ფასიანი, ლამაზად გაფორმებული მინი პურის ჯიხურები, რომლებიც გადანომრილი იქნება და მას ზედ აღნიშნული ექნება ქალაქის პურით მომარაგების კომპანიის საცნობო ნიშანი, რეკლამის სახით.
მივაქციოთ ყურადღება იმას, რომ საქმეში დღეს ჩადებული თანხა დღესვე ბრუნდება 5%-ის ნამატით. ე.ი. ერთი ფინანსური ოპერაციის დროის პერიოდი t0=1, ამასთან ცხადია q=1,05.
ამ ბიზნესში მთავარი ის არის, რომ ნამატი თანხა ერთი დღის განმავლობაში ისევ საქმეში შედის საბრუნებლად, რითაც კომპანია ფართოვდება, რაც მიისწრაფვის ქვეყნის მთლიანი ბაზრის დაპყრობისაკენ.
ვთქვათ, საწყისი თანხა b0=1000. რა თანხა გვექნება ერთი წლის ბოლოს? t=365 დღე.
f(365)=1000*1,05^365=54 211 841 577 მიახლოებით.
f(365)=54 000 000 000 მიახლოებით.
54 მილიარდი, ერთ წელიწადში, ეს ნამდვილი საოცრებაა, რაც შედეგია მოცემული ერთი ფინანსური ოპერაციის, დროის მცირე t0 მონაკვეთში, ერთ დღეში ჩატევის.
ამ მაგალითიდან გამომდინარე, ყველაზე მეტი ყურადღება, საქმიანობის შერჩევისას, უნდა მივაქციოთ t0-ის სიმცირეს.
ფინანსური ოპერაციის t0 პერიოდის წრფივი კლება იწვევს გამდიდრების ხარისხობრივ მატებას დროში. ე.ი. რაც უფრო შევამცირებთ t0-ს, მით უფრო ადრე გავხდებით მდიდარი და ბედნიერი.
ჩვენს მიერ მოყვანილ მაგალითზე უარესი და უკეთესი მაგალითები რამდენიც გინდა იმდენია დღევანდელ ბიზნესისა და ინფორმაციის ეპოქაში, ოღონდ მთავარია შერჩევა. უფრო მეტსაც გეტყვით, არსებობს ორიგინალური იდეები, რომლებიც დღევანდელ რეალობაში ცნობილ უკეთესებზე უკეთესია, რითაც ჩვენ შეგვიძლია უფრო ადრე და ლამაზად გავხდეთ მდიდრები და ბედნიერები, რადგან ფული ეს არის დრო და იდეა, ხოლო ამ იდეის გამოყენება მხოლოდ და მხოლოდ თქვენზეა დამოკიდებული.
და ბოლოს, როგორც ვხედავთ, ძვირფასო მკითხველებო, მართლაც არ მომიტყუებიხართ, რადგან აქ გადმოცემული მონათხრობის კონტექსტი და შინაარსი აკმაყოფილებს დასათაურების მოთხოვნილებებს.
მადლობას გიხდით, რომ წაიკითხეთ.
გისურვებთ ბედნიერ სიმდიდრეს!
ემზარ პაპავა
| 
